Ka thënë Allahu – Xhel-le ue ‘Alaa –:

 

فَاللَّـهُ خَيْرٌ حَافِظًا وَهُوَ أَرْحَمُ الرَّاحِمِينَ

“Allahu është Ruajtësi më i mirë dhe Ai është më i Mëshirshmi i mëshiruesve.” [Jusuf, 64]

 

Ka thënë Allahu – Xhel-le ue ‘Alaa –:

 

وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّـهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا ﴿٩٣﴾

“Kushdo që vret një besimtar me dashje, ndëshkimi i tij është Xhehenemi, në të cilin do të qëndrojë përgjithmonë. Allahu është zemëruar me atë, e ka mallkuar dhe i ka përgatitur një dënim të madh.” [en-Nisaa`, 93]

 

Ka thënë Allahu – Xhel-le ue ‘Alaa –:

 

ذَٰلِكَ بِأَنَّهُمُ اتَّبَعُوا مَا أَسْخَطَ اللَّـهَ وَكَرِهُوا رِضْوَانَهُ فَأَحْبَطَ أَعْمَالَهُمْ ﴿٢٨﴾

“Atë (dënim e merituan), sepse ata shkuan mbas gjërave që e zemërojnë Allahun dhe urryen ato që e kënaqin Atë, e kështu, Ai ua asgjësoi atyre veprat.” [Muhammed, 28]

 

Ka thënë Allahu – Xhel-le ue ‘Alaa –:

 

فَلَمَّا آسَفُونَا انتَقَمْنَا مِنْهُمْ فَأَغْرَقْنَاهُمْ أَجْمَعِينَ ﴿٥٥﴾

“Kur na zemëruan, Ne u hakmorëm ndaj tyre dhe i mbytëm të gjithë.” [ez-Zukhruf, 55]

 

Ka thënë Allahu – Xhel-le ue ‘Alaa –:

 

وَلَـٰكِن كَرِهَ اللَّـهُ انبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِينَ

“Por Allahu e urreu daljen e tyre, prandaj i pengoi dhe atyre iu tha: “Rrini me ata (të paaftë për luftë) që do të rrinë (në shtëpitë e tyre)!” [et-Teubeh, 46]

 

Ka thënë Allahu – Xhel-le ue ‘Alaa –:

 

كَبُرَ مَقْتًا عِندَ اللَّـهِ أَن تَقُولُوا مَا لَا تَفْعَلُونَ ﴿٣﴾

 “Shumë e urryer është për Allahun që të thoni atë që nuk e veproni!” [Saff, 3]

 

Ka ajete të tjera të shumta. Dhe të gjitha këto ajete pohojnë Cilësitë e Allahut – SubhaneHu ue Te’ala –, të cilat janë ashtu siç i kanë hije Allahut – Xhel-le ue ‘Alaa.

 

Këtu Allahu ka pohuar që Ai është i Pari, para të Cilit nuk ka asgjë tjetër, ashtu siç ka thënë Pejgamberi – sal-lAllahu 'alejhi ue sel-lem –:

 

اللَّهُمَّ أَنْتَ الْأَوَّلُ فَلَيْسَ قَبْلَكَ شَيْءٌ وَأَنْتَ الْآخِرُ فَلَيْسَ بَعْدَكَ شَيْءٌ وَأَنْتَ الظَّاهِرُ فَلَيْسَ فَوْقَكَ شَيْءٌ

“O Allah, Ti je i Pari, para Teje nuk ka asgjë tjetër! Ti je i Fundit, mbas Teje nuk ka asgjë tjetër! Ti je i Qarti, mbi Ty nuk ka asgjë tjetër!”

 

Po kështu janë edhe ajetet e cilësisë së dijes, të cilat i përmendëm më parë, mes të cilave është Fjala e Allahut:

 

وَهُوَ الْعَلِيمُ الْحَكِيمُ

“Dhe Ai është më i Dituri, më i Urti.” [et-Tahriim, 2]

 

Ai ka thënë:

 

لِتَعْلَمُوا أَنَّ اللَّـهَ عَلَىٰ كُلِّ شَيْءٍ قَدِيرٌ وَأَنَّ اللَّـهَ قَدْ أَحَاطَ بِكُلِّ شَيْءٍ عِلْمًا

“Që ju ta dini se Allahu është i Fuqishëm për çdo gjë dhe se Ai përfshin gjithçka në diturinë e Tij.” [et-Talaak, 12]

 

 

Te këto ajete pohohet cilësia e dijes dhe urtësisë. Gjithashtu, është Fjala e Allahut – Xhel-le ue ‘Alaa –:

 

أَنَّ اللَّـهَ عَزِيزٌ حَكِيمٌ

“Me të vërtetë Allahu është i Plotfuqishëm dhe shumë i Urtë.” [el-Bekarah, 209]

 

Gjithashtu, është Fjala e Allahut – ‘Azze ue Xhel-le – tek ajeti tjetër:

 

إِنَّ اللَّـهَ هُوَ الرَّزَّاقُ ذُو الْقُوَّةِ الْمَتِينُ ﴿٥٨﴾

“S’ka dyshim që Allahu është Ai që furnizon gjithkënd dhe është i Plotfuqishëm.” [edh-Dharijat, 58]

 

Pra, Ai pohoi te ky ajet se Ai është Furnizuesi dhe Ai është i Fuqishmi, pra pohoi furnizimin dhe fuqinë.

 

Gjithashtu, në ajetet që përmendëm më përpara pohohej cilësia e dëshirës.

 

     Pra, është obligim që të besohen të gjitha cilësitë që u përmendën në ajetet e mëparshme, të cilat i dëgjuam, kur lexuam Fjalët e Allahut – Xhel-le ue ‘Alaa. Duhet të besohet se ato janë ashtu siç i ka hije Atij, sepse Ai është i Pari, para të Cilit nuk ka asgjë, Ai është i Fundit, mbas të Cilit nuk ka asgjë, Ai është i Qarti, mbi të Cilin s’ka asgjë, Ai është i Fshehti, nga sundimi i të Cilit nuk del asgjë! I Pastër nga çdo e metë dhe i Lartë është Ai!

 

     Pra, Ai vet ka pohuar në këto ajete cilësinë e dijes dhe urtësisë dhe po ashtu, Allahu – SubhaneHu ue Te’ala – pohoi për Veten e Tij se:

 

لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ

 “Asgjë nuk është si Ai dhe Ai dëgjon gjithçka dhe shikon gjithçka.” [Shuuraa, 11]

 

Prandaj, asnjë dëgjues nuk i afrohet cilësisë së Tij të dëgjimit, sepse i Madhërishmi dhe i Larti është i Përsosur.

 

Gjithashtu, Allahu – SubhaneHu ue Te’ala – pohoi për Veten e Tij cilësinë e fuqisë, në Fjalën e Tij:

 

لِتَعْلَمُوا أَنَّ اللَّـهَ عَلَىٰ كُلِّ شَيْءٍ قَدِيرٌ وَأَنَّ اللَّـهَ قَدْ أَحَاطَ بِكُلِّ شَيْءٍ عِلْمًا

 “Që ju ta dini se Allahu është i Fuqishëm për çdo gjë dhe se Ai përfshin gjithçka në diturinë e Tij.” [et-Talaak, 12]

 

Pra, këtë fuqi e ka pohuar Allahu për Veten e Tij, të cilën e kemi obligim që ta besojmë, që Allahu është i Fuqishëm.

 

Vazhdon in sha Allah ...

 

Përktheu: Alban Malaj