Pyetje: Cili është përkufizimi i Ehli Sunetit dhe Xhematit për imanin? A është vepra pjesë e imanit?

Përgjigje: Pasha Allahun! Po çuditem me këtë pyetje! Pasha Allahun, po më habit shumë! A mendoni se besojmë se vepra nuk është pjesë e imanit?! Allahu i poshtëroftë gënjeshtarët e poshtër! Pasha Allahun, ata gënjejnë për ne dhe shpifin. Pasha Allahun, ata nuk kanë kurrfarë lidhje me Sunetin! Ata gënjejnë për ne! Ata janë pasues të devijimit dhe bidateve! Pasha Allahun, ata e luftojnë menhexhin selefij.

E adhurojmë Allahun duke thënë se imani është fjalë, vepër dhe besim; imani shtohet me vepra të mira dhe pakësohet me mëkate. Për këtë argumenton Libri i Allahut dhe Suneti i të Dërguarit të Allahut, sal-lAllahu ‘alejhi ue sel-lem.

Ky kriter dhe përkufizim i Ehli Sunetit është halë në grykën e Murxhiave, Khauarixhëve dhe Muëtezilive. Bazamenti i këtij parimi ka aq shumë tekste nga Libri i Allahut dhe Suneti i të Dërguarit të Allahut, sal-lAllahu ‘alejhi ue sel-lem, saqë nuk numërohen. Për këtë përkufizim ka argumente nga Libri i Allahut, Suneti i të Dërguarit të Allahut, sal-lAllahu ‘alejhi ue sel-lem, dhe në të janë mbështetur Sahabët, Tabi’inët dhe Imamët e Islamit deri në kohën tonë.

Ne me këtë jemi edukuar, e mbrojmë atë dhe e luftojmë çdonjërin që e kundërshton këtë përkufizim, edhe sikur të pretendojë çfarëdo qoftë. Imani është fjalë, vepër dhe besim; imani shtohet me vepra të mira dhe pakësohet me mëkate. Mjaftojnë librat e shumtë e të llojllojshëm që janë shkruar si refuzim kundër Khauarixhëve, Muëtezilive dhe Murxhiave.

Një ndër ata libra është ai që ka shkruar Imam Bukhariu, Allahu e mëshiroftë, në librin e Sahihut të tij “Libri i imanit.” Ai ka sjellë shumë argumente nga Kurani dhe Suneti se vepra është prej imanit dhe të gjitha ato argumente janë refuzim për Murxhiatë. Ne më këtë jemi edukuar dhe ne e luftojmë irxhanë, ashtu siç i luftojmë devijimet e tjera.

Vinë disa njerëz injorantë, të devijuar dhe armiq të Sunetit dhe thonë për ne se ne jemi Murxhi. Allahu i vraftë! Ata që flasin kështu, për mua janë më të poshtër se Khauarixhët dhe Rafiditë, deshën apo s’deshën, ngaqë janë më gënjeshtarë se Rafiditë kundrejt Ehli Sunetit dhe kanë më shumë mllef kundër Ehli Sunetit; shpifin dhe gënjejnë më shumë kundër Ehli Sunetit.

Megjithëkëtë, ata vishen rrejshëm me petkun e Sunetit, por ata nuk janë prej Ehli Sunetit. Nëse vërtet ata do të kishin diçka prej Sunetit, nuk do ta luftonin Ehli Sunetin duke hapur faqe të internetit dhe nuk do t'i mbushnin ato me gënjeshtra dhe shpifje. 

Pasha Allahun! Ne i kemi sqaruar gënjeshtrat e tyre. Ata si pikënisje e kanë gënjeshtrën dhe sillen vërdallë në vorbullën e gënjeshtrave dhe nuk dalin prej saj. Pasha Allahun! Ne i kemi grirë një herë e mirë më argumente dhe fakte, dhe i kemi sqaruar gënjeshtrat e tyre. Koka drejtuese e tyre është Haddadi (Mahmud el-Haddadi), ai gënjeshtari. Unë kam sqaruar se vetëm në një pjesë të librit të tij ka gënjyer 120 herë dhe Hadadijtë e devijuar kapen pas këtij libri.

Pastaj na doli Bashmili, gënjeshtari i tërbuar; dhe unë i sqarova gënjeshtrat dhe devijimet e tij në librin tim “Zhdukja e të pavërtetave të Bashmilit.” Lexojeni këtë libër. Ky shpifës është armik i përbetuar i Sunetit.

Pas këtij, erdhi Falih el-Harbi dhe ai i përqafoi ata, edhe ata e përqafuan atë. Ai gënjeu dhe shpifi shumë kundër Ehli Sunetit dhe thoshte për ne se: “Ne jemi Murxhia! Madje jemi Murxhia ekstremistë!” Ndërsa vetë ata janë më të poshtër se Murxhiat! Pasha Allahun! Murxhiat janë më të mirë dhe më të ndershëm se ata, edhe pse Murxhiat kanë devijime, por ata janë më të mirë se këta gënjeshtarë.

O vëllezër, gënjeshtra është më e fëlliqur se bidati. Sipas Ehli Sunetit, gënjeshtari është më i fëlliqur se bidatxhiu! Prej bidatxhiut janë transmetuar hadithe; kanë transmetuar hadithe prej Kaderijve, Murxhiave, si dhe kanë transmetuar edhe nga bidatxhi të tjerë, përderisa bidatet e tyre nuk ishin bidate kufri dhe transmetuesi nuk ishte gënjeshtar. Nëse një gënjeshtar i përkatësohet Ehli Sunetit, atëherë ai është më i dëmshëm për ta se njerëzit e bidatit.

Duke u bazuar te kjo, Ibën Adij, Allahu e mëshiroftë, në librin e tij “el-Kaamil” ka shkruar afërsisht 29 kapituj për gënjeshtarët dhe vetëm një kapitull për bidatxhitë.

Ehli Suneti e pranonte transmetimin nga njerëzit e bidateve të cilit ishin besnikë dhe të njëjtën kohë këta bidatxhi nuk ishin thirrës për në bidatin e tyre.

Ndërsa këta Haddadij konsiderohen thirrës që thërrasin në bidate. Haddadijt kanë sjellë parime të cilat i refuzon Islami dhe e luftojnë me to Sunetin dhe menhexhin e Selefëve. Ata i shajnë imamët e Islamit.

(Mahmud) el-Haddadi filloi luftën kundër Ibën Tejmijes, pastaj kundër Ibën Ebi Izzit, Ibën Kajjimit, dhe vazhdoi me radhë. Nuk lanë pa sharë dhe pa e sulmuar asnjë nga Ehli Suneti. I sulmuan dijetarët bashkëkohorë të Sunetit. Kur ata sulmuan Shejkh Ahmed en-Nexhmin dhe Shejkh Zejdin që janë në jug (të Saudisë), kush do të thërrasë në Sunet?! Ata i shanë dijetarët e Mekes dhe Medines. Kush tjetër do të thërrasë në Sunet?!

Ata bënë luftë kundër Sunetit dhe sulmuan çdo selefij që nuk pajtohet me Hadadijtë. Ata i kanë sharë të gjithë, i dhanë imazh të keq atyre dhe parimeve të tyre, dhe shpikën parime të prishura që rrënojnë metodologjinë e Selefëve. Pra, këta janë një shtrirje tjetër e Vëllazërisë Muslimane dhe u shërbejnë të gjithë bidatxhive, ndërsa luftën kundër Ehli Sunetit e kanë synim kryesor.

O vëlla, si ka mundësi! Si nuk latë asnjë selefi pa e sharë!? Pesë a gjashtë i latë pa i sulmuar në Mekke, nja dhjetë vetë në Medine, aq në krejt dunjanë! Nuk lanë selefij pa e sharë as në Mekke, as në Medine, as në Taif, as në Xhidde. Çdo njëri që ka bërë një të mirë dhe ka mbrojtur Sunetin, ata e kanë sulmuar. A këta na qenkan Ehli Suneti!?

Çdo selefiju që flet ata i thonë: “Gënjen! Gënjen!” Gjykojnë për ta se gënjejnë, shpifin për ta. Neve na akuzojnë se jemi Murxhia, sipas atyre shpifësve. Kurse vetë ata, pasha Allahun, nuk e luftojnë irxhanë dhe nuk e thonë të vërtetën për asgjë. Ata e përdorin irxhanë si armë kundër Ehli Sunetit, sepse Ehli Suneti e ka sqaruar devijimin e atyre dhe devijimet e kokave të tyre dhe paraardhësve të tyre. Kurse ata e kanë nxjerrë shpatën e irxhasë, shpatën e gënjeshtrës dhe shpatën e degjenerimit duke e përdorur kundër Ehli Sunetit.

Andaj, ruhuni prej tyre! Ai që është mashtruar nga ata, le ta ketë frikë Allahun për veten e tij. Pasha Allahun, çështja e tyre është bërë e qartë tashmë. Kështu që, ju nuk keni arsye dhe nuk mbetet dyshim për ju.

Ata janë gënjeshtarë! Gënjeshtarë! Gënjeshtarë! Çdo ditë Allahu i demaskon duke ua nxjerrë gënjeshtrat. Pasha Allahun! Ka edhe qafirë që kanë turp nga gënjeshtra, kurse këta nuk kanë turp!

Sa më shumë që e sqaron gënjeshtrën e udhëheqësve të tyre dhe e sqaron tradhtinë e tyre, ata aq më shumë ngulin këmbë në gënjeshtra dhe në parimet dhe të kotën e tyre.

Ku i keni mendtë e kokës!? Ku është fetaria!? Ku është morali!?

Kuptoni ata njerëz dhe ruhuni prej tyre! Paralajmëroni njerëzit kundër devijimeve dhe ligësisë së tyre! Allahu ju dhëntë sukses!

Ne e adhurojmë Allahun me atë që gjendet në Librin e Allahut dhe Sunetin e të Dërguarit të Allahut, sal-lAllahu ‘alejhi ue sel-lem, në të gjithë besimin, dispozitat, hallallin, haramin, qoftë i madh apo i vogël, në degët e Islamit dhe të imanit. Ne thërrasim në të gjitha këto dhe vdesim për hatër të këtyre.

Si qenkemi ne Murxhia, kur ne e luftojmë irxhanë dhe gjërat e tjera? Atij që ka mangësi në veprat, ne ia sqarojmë çështjen dhe e thërrasim në të vërtetën; atëherë si qenkemi ne Murxhia!? Allahu i vraftë!

Përktheu: Jeton Shasivari