Autor: Komisioni i Përhershëm për Kërkime Shkencore dhe Fetva
Burimi: alifta.net
Fetvaja nr: 12126
Pyetje: A konsiderohet bashkëshorti i një gruaje mahrem për gjyshen e gruas së tij nga ana e babait dhe a lejohet që ajo të udhëtojë me të dhe të zbulojë fytyrën përpara tij?
Përgjigje: Po, bashkëshorti i një gruaje është mahrem për gjyshen e gruas së tij, qoftë kur është në udhëtim, qoftë në vendin e saj, dhe zbulon para tij atë që zbulon gruaja përpara mahremëve të saj.
Dhe prej Allahut vjen suksesi.
Paqja dhe bekimi i Allahut qofshin mbi Pejgamberin tonë Muhamedin, mbi Familjen dhe Shokët e tij.
Komisioni i Përhershëm për Kërkime Shkencore dhe Fetva:
Kryetar: Abdul-Azijz bin Abdullah bin Baz
Zv/Kryetar: Abdur-Rrazak Afijfij
Anëtar: Abdullah bin Gudejan
Fetvaja nr: 8343
Pyetje: A është gjyshja e gruas sime nga ana e nënës së saj e ndaluar për mua dhe a e takoj unë atë?
Përgjigje: Po, gjyshja e gruas tënde është e ndaluar për ty (pra, martesa me të) dhe lejohet që t’i japësh dorën dhe të shohësh prej saj atë që të lejohet të shohësh prej të gjitha grave të cilat janë të ndaluara për ty.
Dhe prej Allahut vjen suksesi.
Paqja dhe bekimi i Allahut qofshin mbi Pejgamberin tonë Muhamedin, mbi Familjen dhe Shokët e tij.
Komisioni i Përhershëm për Kërkime Shkencore dhe Fetva:
Kryetar: Abdul-Azijz bin Abdullah bin Baz
Zv/Kryetar: Abdur-Rrazak Afijfij
Anëtar: Abdullah bin Gudejan
Anëtar: Abdullah bin Ku’ud
Fetvaja nr: 18022
Pyetje: Unë jam një grua e martuar me një burrë me të cilin nuk kam lidhje farefisnore, a më lejohet mua ta zbuloj fytyrën përpara gjyshit të tij nga ana e nënës së tij? Ngase unë konsiderohem e ndaluar për të (martesa me të) dhe se burri im e kundërshton këtë gjë. Më jepni një fetva rreth kësaj çështjeje. Ju falenderoj.
Përgjigje: Gjyshi i burrit, qoftë nga ana e nënës së tij, qoftë nga ana e babait të tij, është mahrem për gruan e djalit të djalit të tij, apo vajzës së tij nga thënia e Allahut të Lartësuar kur përmend mahremët:
أَوْ آبَاءِ بُعُولَتِهِنَّ
“Apo baballarëve të bashkëshortëve të tyre...” [En-Nur, 31]
Dhe gjyshi konsiderohet baba nga cilado anë qoftë (e nënës apo e babait). Dhe Allahu e di më së miri.
Dhe prej Allahut vjen suksesi.
Paqja dhe bekimi i Allahut qofshin mbi Pejgamberin tonë Muhamedin, mbi Familjen dhe Shokët e tij.
Komisioni i Përhershëm për Kërkime Shkencore dhe Fetva:
Kryetar: Abdul-‘Azijz bin Abdullah bin Baz
Zv/Kryetar: Abdur-Rrazak Afijfij
Anëtar: Abdullah bin Gudejan
Anëtar: Salih el-Fuezan
Anëtar: Abdul-‘Azijz Ali Shejkh
Anëtar: Bekr Ebu Zejd
Përktheu: Umm ‘Akil