Autor: Imam  Muhamed Nasirudin El-Albani

Burimi: Silsiletu el-Huda ue en-Nur, nr 339

 

 

Pyetësi: Gjidhënësja e cila nuk agjëron në Ramazan, a duhet të ushqejë për çdo ditë një të varfër ? A lejohet kjo si shlyerje?

 

Shejkhu: Po, lejohet.

 

Pyetësi: Sa është sasia e ushqimit?

 

Shejkhu: Shlyerja nuk bëhet as me dinar e as me dirhem, por ai është ushqim të cilin e jep shlyerësi.

 

Pyetësi: Ky ushqim të cilin e jep a është ushqim që hahet për mëngjes, për drekë apo për darkë?

 

Shejkhu: Përgjigja për këtë pyetje është: racion ushqimor, dmth çfarëdo vakti qoftë: qoftë mëngjes, drekë apo darkë (një prej këtyre).

 

Pyetësi: Nuk lejohet t’i japim para, në mënyre që i varfëri të blejë atë për të cilën ka nevojë?

 

Shejkhu: Kjo është ajo të cilën e mohova që në fillim të përgjigjes.

 

Pyetësi: Duhet të jetë ushqim!

 

Shejkhu: Po.

 

Pyetësi: Në ditët tona për shembull ushqimi kryesor është orizi, sa është sasia që duhet të japim?

 

Shejkhu: Sasia e kujt o vëlla?

 

Pyetësi: Sasia e orizit nga ushqimi ditor.

 

Shejkhu: O vëlla, një racion, një racion, vakt buke.

 

Pyetësi: Racion i plotë?

 

Shejkhu: Po, për shembull: nëse përmban oriz me mish dhe bukë, pra të jetë racion i mjaftueshëm për një person.

 

Pyetësi: Racion i mjaftueshëm për një person, kjo mjafton, dhe nuk ka arsye që të agjërojë ditët që ka lënë?

 

Shejkhu: Jo, nuk ka arsye.

 

Kliko këtu për të parë videon në AudioSelefi.org

 

Përktheu: Umm ‘Akil