Autor: Shejkh Salih bin Abdul-Aziz bin Muhamed Ali Shejkh
Burimi: Muhadaraat fi el-Ilmi ue Adabi el-Alimi ue el-Mute'al-lim, fq. 757.
Burimi: Ligjërata me titull “el-Mustelahaat ue Etheruha ala el-‘Ilmi ue eth-Thekafeti ue er-Raji el-‘Aam,” min. 01:19:10
Termi “fetë qiellore” nuk ka bazë as në Sheriat dhe as në fjalët e ndonjërit prej njerëzve të dijes. Feja qiellore është vetëm një.
﴿إِنَّ الدِّينَ عِندَ اللَّـهِ الْإِسْلَامُ﴾
“Feja e vetme e pranuar tek Allahu është Islami.” Ali-Imran, 19
Madje, edhe disa njerëz të zgjedhur (dijetarë) dhe disa nxënës dijeje, e kanë përhapur atë që qarkullon nëpër gazeta, revista dhe media, e që është fjala “tre fetë qiellore.”
Feja qiellore është një.
﴿إِنَّ الدِّينَ عِندَ اللَّـهِ الْإِسْلَامُ﴾
“Feja e vetme e pranuar tek Allahu është Islami.” Ali-Imran, 19
﴿وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ﴾
“Ai që kërkon fe tjetër përveç Islamit, ajo nuk do t’i pranohet atij kurrë.” Ali-Imran, 85
Porse, këto janë sheriate (legjislacione) qiellore të ndryshme, janë popuj të ndryshëm. Kurse feja, termi “fe” është një e vetme. Nuk mund t’i përkatësohet qiellit vetëm se një fe e vetme, e që është feja Islame. Sepse ti me këtë sikur po thua “tre fetë e Allahut.” Feja e Allahut është një, e që është Islami. Prandaj, i Madhëruari dhe i Lartësuari ka thënë:
﴿لِكُلٍّ جَعَلْنَا مِنكُمْ شِرْعَةً وَمِنْهَاجًا﴾
“Për çdonjërin prej jush caktuam një ligj (Sheriat) dhe një rrugë të qartë.” El-Maideh, 48
Dhe ka thënë:
﴿مَا كَانَ إِبْرَاهِيمُ يَهُودِيًّا وَلاَ نَصْرَانِيًّا﴾
“Ibrahimi nuk ishte as Jehudi e as i Krishterë...” Ali-Imran, 67
Që do të thotë: Jehudizmi i ndryshuar dhe Krishterizmi i ndryshuar.
﴿وَلَـكِن كَانَ حَنِيفًا مُّسْلِمًا﴾
“...por (Ibrahimi) ishte Musliman hanif (larg çdo besimi dhe feje të kotë).” Ali-Imran, 67
Dhe ka thënë:
﴿هُوَ سَمَّاكُمُ الْمُسْلِمِينَ مِن قَبْلُ وَفِي هَـذَا﴾
“...është Ai (Allahu) që u quajti juve Muslimanë më përpara (Ibrahimit) dhe në këtë (Kuran).” El-Haxh, 78
Kliko këtu për të parë videon në AdioSelefi.org
Përktheu: Jeton Shasivari